စာဦး
ငယ်ငယ်လေးကတည်းက ကြားဖူးတဲ့ ဒီစကားလုံး။ သေချာလည်း နားမလည်ခဲ့သေး။ ဘာကို ဆိုလိုမှန်းလည်း မသိသေး။ မကောင်းတာတော့ သိလိုက်တယ်။အုတ် ဆိုတဲ့ အရာဝတ္ထု လေးတစ်ခုရယ်၊ ကြားဆိုတဲ့ ကြိုကြားကြိုးကြားတည်ရှိနေမှုကို ပြတဲ့ နာမ၀ိသေသနလေးတစ်ခုရယ်၊ မြက်ဆိုတဲ့ အပင်လေးရယ်၊ ပေါက် ဆိုတဲ့ ရှင်သန်ပေါက်ရောက်နေမှုကို ပြတဲ့ ကြိယာလေးရယ် ပဲ ပါတယ်။ ဆီလျှော်အောင်ပြန်ကြည့်တယ်။ အုတ်တွေကြားထဲတွင် မြက်ပင်ပေါက်နေပါသည်။ နစ်နာစရာလို့လည်း မတွေ့မိ၊ နစ်နာစေလို၍ ပြောဆိုခြင်းလည်း သဘောမသက်ရောက်။ သာမန် ၀ါကျ လေး တစ်ခုသာ။
နိဒါန်း
ဖြစ်စဉ်(၁)
"နင်လို အုတ်ကြားမြက်ပေါက် ကို ယူမိလို့ ဒီလိုဒုက္ခ ရောက်ရတာ။ ငါဘာသာ ငွေတိုးပေးစားတဲ့ တရုတ်ကို ယူမိရင် ဒီလိုဖြစ်မှာမဟုတ်ဘူး။"
"အာ..ဒီကောင်မ..ငါ့ကို ဒီလိုမပြောနဲ့လို့ပြောနေတာ မရဘူးလား။ ကဲကွာ...။ "
ဖြန်း...
"သေပါပြီ။ သေနာကောင်၊ အုတ်ကြားမြက်ပေါက်၊ ကလေကချေ xxxx...xxxx"
လမ်းထိပ်က မငွေခင်တို့ လင်မယားရန်ဖြစ်သံ။
စဉ်းစားမိလိုက်တယ်။
အုတ်ကြားမြက်ပေါက်ဆိုတာ ပိုက်ဆံမရှိလို့ ပြောတာလား။
ဖြစ်စဉ်(၂)
"မင်းက ငါ့သမီးကို ဘယ်လိုလုပ်ကျွေးမှာတုန်း။ ပြောစမ်းပါဦး"
"ကျွန်တော်က စာရေးဆိုတော့ ရုံးစာရေးပေါ့ ဦးရယ်။ မဆင်းရဲတောင် တင့်တင့်တယ်တယ်ထားနိုင်ပါတယ်..ဦး"
"မဟုတ်သေးပါဘူး။ ဦးတို့က ဦးသမီးကို သဘောင်္သား တစ်ယောက်နဲ့ လက်ထပ်ပေးဖို့ ရည်ရွယ်ထားပြီးသားပါ။ မင်းတို့ချင်း ဘာပဲဖြစ်ဖြစ် ဦးက စိတ်မ၀င်စားဘူး။ နောက်ပြီး မင်းလို အုတ်ကြားမြက်ပေါက်နဲ့ နေရရင် ငါ့သမီး ဂုဏ်ငယ်မှာပေါ့။ "
ရုံးစာရေး ကိုမောင်မြင့်ရဲ့ ဖြစ်ရပ်။
စဉ်းစားမိတယ်။
အုတ်ကြားမြက်ပေါက်ဆိုတာ ဂုဏ်သိက္ခာ မရှိတာကို ပြောတာလား။
ဖြစ်စဉ်(၃)
"ဟေ့ကောင်..ဒီတစ်ခါ ငါ့အလှည့်ကွ။ ပေး..ဒိုး"
"အေးရော့..မှန်အောင်ပစ်။ မမှန်ရင်တော့ ငါ့လက်ကို သိတယ်မို့လား။ ငါက သိပ်လက်တည့်တာ"
"ဝေး...မမှန်ဘူးကွ"
"ဘယ်အုတ်ကြားမြက်ပေါက် ကလေးတွေ ငါ့အိမ်ရှေ့ လာဆော့နေတာလဲ..ဟေ။ သွားကြ..သွားကြ..ကိုယ့်အိမ်ရှေ့ကို သွားဆော့ကြ။ "
စဉ်းစားမိတယ်။
အုတ်ကြားမြက်ပေါက်ဆိုတာ ဆူညံမှု၊ နေရာဒေသ မဆီလျှော်မှုလို့ ပြောတာလား။
စာကိုယ်
ဒီလိုနဲ့ ကျွန်တော် အဖြေမထွက်ခဲ့ပါဘူး။ သို့လော..သို့လော..ဆိုတဲ့ အတွေးတွေပါပဲ။ သူ့ဘာသာ အပင်ပေါက်နေတာကို ဘာလို့ နှိမ့်ချစရာလို့တွေးပြီး ပြောကြတာပါလိမ့်။
"မငွေခင်..အုတ်ကြားမြက်ပေါက်ဆိုတာ ဘာကိုပြောတာလဲဟင်"
"နင်ကလည်း အုတ်ကြားမြက်ပေါက်ဆိုတာ အလုပ်မရှိအကိုင်မရှိ လက်ယားလက်ယားနေတဲ့ အီးပေါလောကြီးလို့ပြောတာပေါ့"
"အာ..ဒါဆို မငွေခင်ကလည်း။ ခင်ဗျားယောက်ျား က ဆိုက္ကားနင်းတယ်လေ။ အလုပ်အကိုင်လည်းရှိတယ်၊ လက်ယားလက်ယားလည်း မနေပါဘူး။ ဘာလို့...."
"အာ...ဒီကလေးကတော့...မသိဘူးဟေ့..မသိဘူး။...ဘယ်လိုကလေးနဲ့ လာတွေ့နေတယ် မသိပါဘူးတော်။ "
"ကိုမောင်မြင့်...ခင်ဗျားကို ဟိုလူက ဘာလို့ အုတ်ကြားမြက်ပေါက်လို့ ပြောရတာတုန်း"
"ငါက စာရေးမိုလို့ပေါ့ကွာ။"
"ဘာဖြစ်လဲ..စာရေး လည်း စာရေး ပေါ့။ ခင်ဗျားလည်း ပိုက်ဆံအသင့်အတင့်ရှိတာပဲ။ အလုပ်အကိုင်လည်း ရှိတာပဲ။ ခင်ဗျားကလည်း ခင်ဗျားကောင်မလေးကို ချစ်တာပါပဲ။ "
"သူတို့က သူဌေးကွ။ အဲဒါကြောင့် ရုံးစာရေး ကို ဂုဏ်မရှိဘူးပေါ့ကွာ။ "
"အာ..ဒါကတော့ဗျာ...တစ်ယောက်နဲ့တစ်ယောက်ဘယ်တူမတုန်းဗျ။ ခင်ဗျားက ဘွဲ့လည်းရထားပြီးသားပဲ။ နောက်ပြီး အဲဒီလူ လုပ်သလို သင်္ဘောသားဖြစ်အောင်လုပ်ရင် ခင်ဗျားကို အဲလို အပြောမခံရဘူးပေါ့"
"ကောင်လေးရာ မင်းမသိတာတွေ အများကြီးရှိတယ်ကွ။"
ကျွန်တော် ဇတ်လေးပု ပြီး ပြန်လာခဲ့ရပါတယ်။
"ဟေ့ကောင်တွေ အုတ်ကြားမြက်ပေါက် ဆိုတဲ့ စကားကို မင်းတို့ ဘယ်လိုနားလည်တုန်း"
တက္ကသိုလ်ရောက်တဲ့အထိကို မကျေလည်နိုင်သေး။
"မင်းကလည်းကွာ..ဒါများ အဆန်းလုပ်လို့ အဆင့်အတန်း မတူတာကိုပြောတာ၊ နှိပ်ကျတာကို ပြောတာပေါ့ကွ"
"မဟုတ်သေးဘူးလေ။ အဲဒီအတိုင်းဆိုရင် ဒီစကားမှားသလို ဖြစ်နေတာပေါ့။ ဒီ အုတ်ကြားမြက်ပေါက် က တော်တော် လေးစားဖို့ကောင်းတဲ့ စကားလို့ ငါထင်တယ်။ "
"လုပ်စမ်းပါဦး..မင်းကတော့ ကန့်လန့် လုပ်ပြီ။ "
သူငယ်ချင်း ဖိုးလပြည့်က ပြောတယ်။
"အေးကွာ...ငါပြောကြည့်မယ်နော်။ ဒါက ငါ့ရဲ့ အတွေးနော်။ မှားပါတယ်လို့ပြောတာမဟုတ်ဘူး။ ငါ့အတွေးနဲ့ ဆိုရင် မှားနေတာကိုပြောတာ"
"အေးပါကွာ..နားထောင်ကြည့်ရအောင်"
"ဒီလိုကွ။ အုတ်ကြားမြက်ပေါက်ကို ငါနားလည်သလို အဆင်ပြေသလို ၀ါကျဖွဲ့ထားတာ အုတ်ကြားထဲတွင် မြက်ပင်ပေါက်နေသည်။ တဲ့.။ အဲဒါ လက်ခံလား"
"အင်း..."
"ဆိုတော့ကွာ။ မြက်ပင်ရဲ့ အဓိက ရယ်ရွယ်ချက်ကတော့ အပင်ဖြစ်တဲ့ အတွက်ကြောင့် ရှင်သန်ဖို့လိုအပ်တယ်။ အဲဒီအခါမှာ သူရှင်သန်ကြီးထွားဖို့အတွက် အတားအဆီးတွေ အများကြီးကြုံရတယ်ကွ။ သူထိုးထွက်မယ့် လမ်းမှာ အုတ်တွေက တားဆီထားတယ်။ ဒါပေမယ့် သူ အဲဒါကို ထိုးထွက်လာနိုင်တယ်။ သူ့ခွန်အားတွေ အများကြီးသုံးရတယ်ကွ။ တခြား မြက်ပင်တွေလိုမျိုး သာမန်အားအင်နဲ့ မရဘူးကွ။ အဲဒီအချိန်မှာ သူဟာ သာမန် အပင်လိုမျိုး လေရဲ့ ငွေ့အသက်ကို အရင်မခံစားရဘူး။ သာမန် မြက်ပင်က ပျော့တဲ့ မြေကြီးကို ထိုးထွက်လိုက်တာနဲ့ လေ နဲ့ ထိတွေသွားပြီကွ။ အဲဒါ သာမန်မြက်ပင်ရဲ့ အောင်မြင်မှုပဲ။ အဲ...အုတ်ကြားထဲက မြက်ကျတော့ မရတော့ဘူး။ မြေကြီးကို ထိုးထွက်ပြီးတာနဲ့ တွေ့ရတာက အုတ်။ လေမဟုတ်ဘူး။ အဲဒါကိုပဲ အုတ်ကို ဆက်ဖောက်ရတယ်။ အကြိုအကြားပေါ့ကွာ။ လိုက်ရှာရတယ်။ အဲဒါတွေပြီးတော့မှ သူက လေ ကို ရှုရှိုက်ရတယ်။ အဲဒီအချိန်က အုတ်ကြားမြက်ပေါက်ရဲ့ အောင်မြင်မှုပဲ။ ဒါတောင်မှ အပေါ်ကို မထိုးထွက်နိုင်ပဲ ကျဆုံးသွားတဲ့ အပင်တွေလည်း ရှိမှာပဲ။ မင်းစဉ်းစားကြည့်စမ်း။ သူလေကို ရှုရှိုက်ဖို့ အချိန် နောက်ကျပေမယ့် အဲဒီအချိန်မှာ ဖြစ်နေတဲ့ သူ့ရဲ့ အောင်မြင်မှုအတွက် ပီတိ ကို မင်းခံစားကြည့်စမ်း။ ကြက်သီးတဖြန်းဖြန်း ထဖို့ကောင်းတယ်။ "
"ဒါပေမယ့်..ငါထင်တာက ဘယ်သူမှ အဲလိုမတွေးပဲ..ဖြစ်စဉ်ကိုပဲ စဉ်းစားကြတယ်ထင်တယ်။ အဲဒါကြောင့်မို့ပြောတာလားမသိဘူး"
"အေးကွာ။ မင်းခုဏပြောသလို ဖြစ်စဉ်ကို ပြန်စဉ်းစားကြည့်ရအောင်။ ဘယ်မြက်ပင်ကတော့ ခက်ခက်ခဲခဲနဲ့ ရုန်းထွက်ပြီးတော့မှ ရှင်သန်ချင်မှာလည်းကွာ။ သူများတွေလိုမျိုး သာမန်ပေါ့ပေါ့ပါးပါးလေးနဲ့ပဲ ရှင်သန်ချင်တာပေါ့။ ဟုတ်ပြီ။ အုတ်ကြားထဲမှာ မြက်ပေါက်နေလို့။ ခုဏကပြောသလို ဖြစ်စဉ်ကို ပြန်စဉ်းစားကြည့်ရအောင်ကွာ။ ဒါပေမယ့် မြက်ကမျိုးစေ့က ပေါက်တာလား။ အပင်ပေါက်ကနေပွားတာလား သေချာတော့ ငါမသိဘူး။ အပင်ပေါက်ကပေါက်တာပဲဖြစ်ဖြစ်၊ မျိုးစေ့က ပေါက်တာပဲဖြစ်ဖြစ် အဲဒီအုတ်နားလေးမှာဖြစ်နေလို့ပေါ့ကွာ။ မလွန်ဆိုင်နိုင်တဲ့ ပတ်ဝန်းကျင်လို့ပဲ ပြောရမှာပေါ့။ သူရှင်သန်ရမှာကို က အဲလိုပတ်ဝန်းကျင်ဖြစ်ဖို့ ကံပါလာလို့ပေါ့။ အဲဒါကို အုတ်ကြားထဲမှာမှ မြက်ပေါက်ရလေခြင်း၊ မတန်လိုက်လေခြင်းဆိုပြီး နှိမ့်ချတာတော့ မသင့်တော်ဘူးထင်တယ်ကွာ။
ဥပမာကွာ..။ ငါတို့လောကကြီးက ဟောဒီ မြက်ခင်းပြင်ကြီးဖြစ်ခဲ့တယ်ဆိုပါတော့။ ဘ၀တွေက မြက်ပင်ကလေးတွေပေါ့ကွာ။ အဲဒီမှာ ကံ၊ကံ၏အကျိုးကြောင့် ချမ်းသာတဲ့သူတွေရှိတယ်၊ ဆင်းရဲတဲ့သူတွေရှိတယ်။ ဒါပေမယ့် ဆင်းရဲတဲ့ကလေးက ချမ်းသာတဲ့လူတွေနဲ့ ပေါင်းဖက်မိကြမှာပဲ။ သူငယ်ချင်းတွေဖြစ်ကြမှာပဲ။ အဲဒါကို အုတ်ကြားမြက်ပေါက်လို့ ပြောလို့မရဘူးကွ။ ဘာလို့လဲဆိုတော့ ဆင်းရဲတဲ့ ကလေးရဲ့ ပတ်ဝန်းကျင်က ချမ်းသာတဲ့ ပတ်ဝန်းကျင်မဖြစ်နိုင်ဘူးလို့ပြောလို့မရဘူး။ ငါဆိုရင် ဆင်းရဲတာပဲ။ ဒါပေမယ့် မင်းတို့နဲ့ သူငယ်ချင်းဖြစ်တာကို အုတ်ကြားမြက်ပေါက်လို့ပြောမလား။"
"ဟာကွာ..မင်းကလည်း မဆိုင်တာပဲ။"
"ငါက ဥပမာ ပေးတာပါ။ ငါဆက်ပြောဦးမယ်ကွာ။ အဲဒီဆင်းရဲတဲ့ကလေး အစစအရာရာ ချို့တဲ့တယ်။ ဒါပေမယ့် သူ့မှာ သူ့ပန်းတိုင်တစ်ခုရှိတယ်။ ပန်းတိုင် အမျိုးမျိုးရှိကြမှာပေါ့ကွာ။ အဲဒီပန်းတိုင်တွေကို ရောက်ဖို့အတွက် အားအင်တွေ အများကြီး သုံးရမှာပဲ။ သုံးကို သုံးရတယ်ကွာ။ အဲဒီလူတွေရဲ့ ပီတိက တွေးကြည့်ရင် ကြက်သီးထစရာနော်။ ဆင်းရဲတဲ့သူတွေ ဆရာဝန်တွေလည်း အများကြီး။ နောက်ဆုံးကွာ လင်ကွန်းကိုကြည့်။ ငါတို့ပြောသလို နှိမ့်ချပြောရမယ်ဆိုရင်တော့ သူက အုတ်ကြားမြက်ပေါက်ကွ။ ဆင်းရဲလိုက်တာမှ ပြောမနေနဲ့။ ကြိုးစားလိုက်ရတာလည်း အသေအကြေပဲ.ငါ့ကောင်။ သူယှဉ်ပြိုင်ရတာ တကယ့်ကို ဒိတ်ဒိတ်ကျဲတွေ။ နောက်ဆုံး သူဘာဖြစ်သွားလဲ။ သမ္မတ ဖြစ်သွားတယ်လေ။ ဘယ်လိုနေရာမှာပဲရောက်ရောက်ပေါ့ကွာ။ သူ့ပန်းတိုင်ကို ရောက်အောင်သွားနိုင်ရင် လေးစားရမှာပဲကွ။ အရာရာတိုင်းက သူ့အလုပ်သူလုပ်တယ်ကွ။ ခုဏက အပင်က အပင်ရှင်သန်ရေးသည် သူ့အရေး။ သူရှင်သန်အောင်လုပ်တယ်။ အဲဒါ ပန်းတိုင်ပဲ။ ကျောင်းသားတစ်ယောက်က ဆင်းရဲရဲ ချမ်းသာသာ၊ ဘယ်လို အဆင့်အတန်းက မွေးဖွားမွေးဖွား၊ သူ စာမေးပွဲအောင်တယ်။ အဲဒါ သူ့ရဲ့ ပန်းတိုင်ပဲ။ "
"အင်း..ဟုတ်သလိုလိုတော့ ရှိသား။ "
ကျွန်တော် ခေါင်းမကုတ်တော့ပါ။ ပြောချင်တာတွေ ပြောလိုက်ရလို့။ ခေါင်းကုတ်သွားတာ ကျွန်တော့်သူငယ်ချင်း ပင်။
ဒီထက်ပိုပြီး ထပ်ချဲ့ကြည့်သည်။ ကျွန်တော် အလုပ်တွေလုပ်တယ်။ (ဒီနေရာမှာ ကျွန်တော်တို့လို့ မသုံးပါ။ ကျွန်တော့် အမြင်သက်သက်သာဖြစ်သောကြောင့်ပင်) ။ အခက်အခဲတွေ ရှိတယ်။ အတားအဆီးတွေ ရှိတယ်။ အဲဒီအတားအဆီးတွေ၊ အခက်အခဲကို ကျော်လွှားနိုင်ခဲ့ရင် အောင်မြင်မှုတစ်ခုတော့ ရှိမည်ပင်။ အဲဒီအချိန်မှာ ကျွန်တော်ရဲ့ ပျော်ရွှင်မှုတွေသည် အတိုင်းအဆမဲ့ရသည်။ သူများတွေအတွက် အထင်ကြီးစရာ အောင်မြင်မှု ဖြစ်ချင်မှ ဖြစ်မယ်။ ကိုယ့်ဘ၀နဲ့ ကိုယ်တော့ အဲဒါ ပန်းတိုင်များစွာထဲက တစ်ခု။ ဒါပေမယ့် ကျွန်တော့်ကို အုတ်ကြားမြက်ပေါက်လို့ ခေါ်ရင် မနာတက်။ ကျွန်တော် အရမ်းကြိုက်တဲ့ မြက်ပင်လေး ဖြစ်တဲ့အတွက်ကြောင့်ပင်။
နိဂုံး
ကျွန်တော့် ဆက်လက်တွေးမိတာလေးတစ်ခုက
ခက်ခဲကြမ်းတမ်းသော ဘ၀တွေကို ဖြတ်သန်း ရတဲ့သူဆိုရင် မနှိမ်ချစေချင်။ လေးစားမှုရှိသင့်သည်ဟု....။ သူသည် အုတ်တွေကြားထဲတွင် ပေါက်ရောက်နေသော မြက်ပင်လေး ဖြစ်သောကြောင့်။
ကျွန်တော့် အတွးစ သက်သက်သာ ဖြစ်ပါသည်ဟု ရိုးသားစွာဝန်ခံပါကြောင်း။
ဓါတ်ပုံကို ဂူဂယ်မှ ရယူထားပါကြောင်း။
လေးစားစွာဖြင့်
ခနွဲ(မြင်းခြံ)
